शोकमा महाविरी झण्डा स्थगित,ठाउ ठाउमा श्रधान्जलीसभा गरि मैनबत्ती बालिदै

रंजन भण्डारी

जलेश्वर, माघ ५ गते ।
जिल्लाका दुई वालकको अपहरण पश्चात हत्या गरिएको शोकमा महोत्तरीको भटौलिया गाविसमा निर्मानाधिन महाविरी झण्डा माघ ५ गते मंगलबारबाट हुने भनिएकोमा अनिश्चितकालको लागि स्थगित गरिएको छ ।
गाउँका एक बालकलाई महाविरी झण्डाकै विवादको कारणले अपहरण पश्चात हत्या गरेको र मलिवाराका अर्का वालकको समेत हत्या भएकोमा शोकाकुल गाउले झण्डाको आयोजना गर्न मन नमानेको भन्दै अनिश्चितकालको लागि स्थगित गरिएको स्थानीय प्रविणकुमार कर्णले जानकारी दिनुभयो ।
जिल्लाको भटौलिया २ निवासी रविन्द्र महासेठका ८ वर्षिय छोरा जेनिस भनिने चिरञ्जीवी महासेठलाई गत आईतवार अपहरण गरि हत्या गरी शवलाई गाँडेको अवस्थामा प्रहरीले पुस २८ गते मंगलबार बिहान वरामद गरेको थियो । चिरञ्जीवीका वुवा रविन्द्र महाविरी झण्डा आयोजना समितिका अध्यक्ष रहनुभएको थियो ।
समितिका पदाधिकारीहरुसंग गाउँकै केही युवाहरुको आर्केष्ट्रा ल्याउने विषयमा विवाद भएको र सोही विवादको कारण उनको ८ वर्षिय छोराको हत्या भएको शोकमा गाउँलेहरुले महाविरी झण्डा अनिश्चितकालको लागि स्थगित गरेका हुन् । यद्यपी प्रहरीले भने पैसाको कारण उनको हत्या भएको जानकारी दिएका थिए ।
स्थानीय प्रविणले झण्डा निर्माणको काम ९० प्रतिशत सकिएको जानकारी दिनुहुदै झण्डाकै विवादलाई लिएर बालकको हत्या भएकोले गाउँलेहरुले तत्कालका लागि कार्यक्रम स्थगित गरेको बताउनुभयो । उहाँले भन्नुभयो, ‘गाउँ नै दुःखमा डुबेको छ, अनि कसरी शुभ काम गर्ने त ? त्यही भएर झण्डा तत्कालको लागि स्थगित गरिएको हो ।’
जेनिसको हत्या अभियोगमा प्रहरीले भटौलिया गाउँकै वडा नं. ३ वस्ने वर्ष १९ को अनिस कुमार साह, सोहि गाविस वडा नं. २ वस्ने वर्ष २१ को सुधिर कुमार साह र वडा नं. १ बस्ने बर्ष १८ को सावीर अंसारीलाई पक्राउ गरिसकेको छ । उनीहरुले आफुहरुले हत्या गरेको स्विकार गरिसकेको कारणले उनीहरुमाथि मुद्दा चलाईएको जिल्ला प्रहरी कार्यालय महोत्तरीका प्रहरी उपरिक्षक जनक भट्टराईले जानकारी दिनुभयो ।
यता वालकहरुको आत्माको चिर शान्तिको कामना गर्दै सदरमुकाममा दैनिक जसौ नागरिक समाज,संयुक्त लोकतान्त्रिक मधेशी मोर्चा,बुद्धिजिवीहरुले मैनबत्ती बाल्दै आएको छ ।
केही दिन यता महोत्तरीमा बालकको अपहरण पश्चात हत्या गर्ने क्रम शुरु भएको छ । तिन दिन अगाडी मात्रै जलेश्वर नगरपालिका वडानं. १२ मलिवाडाका नविनकुमार पाण्डेयका ११ वर्षिय छोरा क्यूट भनिने निश्चलकुमार पाण्डेलाई अपहरण गरिएको थियो । निश्चलको हत्या गरिएको शव भने आईतबार राति प्रहरीले गाँडेको अवस्थामा वरामद गरेको छ भने घटनामा संलग्न चारजनालाई पक्राउ गरिसकेको छ ।

Leave a Reply

Your email address will not be published. Required fields are marked *