जलेश्वर प्रतिशोधको आगोमा जल्दै अहिले सम्म ७ को मृत्यु

रंजन भण्डारी
जलेश्वर,भाद्र २६ गते ।
महोत्तरीको जलेश्वरमा आज तिनजनाको मृत्यु संगै मर्नेहरुको संख्या सात पुगेको छ ।

प्रहरीकाे गाेलीले मरेकी रामशिला देवी

प्रहरीकाे गाेलीले मरेकी रामशिला देवी

जलेश्वरको शंकर चौकमा आज १२ बजे पछि भएको झडपमा हात्तिलेट घर भई हाल जलेश्वर वस्दै आएका शम्भु मण्डलकी श्रीमति रामशिला देवीको टाउकोमा गोली लागि मृत्यु भएको छ । साथै बुधवार मृत्यु भएका रोहन चौधरीको हजुर बुवा गणेश चौधरीको समेत प्रहरीको गोलीले आखा भन्दा माथीको पुरै भाग उडेर मृत्यु भएको छ । उहा विगतमा महोत्तरीबाट रासस सम्बाददाता भएर काम गरिसक्नु भएको छ ।
सोही घटनामा धवौलीका १२ वर्षिय अजित मिश्रको खुटटामा,जलेश्वर २ की शैल देवीको दाहिने घुडामा,वजराहीका नागेन्द्र सिंहको पाखुरामा,वजराहीका महेश्वर ठाकुरको हातको दुईटा औला गोलीले उडेको र रमौलका श्याम सुन्दर सिंहको भाग्ने क्रममा लडी घाईते भएको खवर प्राप्त भएको छ । नागेन्द्र सिंह,अजित मिश्र र महेश्वर ठाकुरको उपचार जलेश्वर अस्पतालमा हुन नसकी अंचल अस्पताल लगिएको छ । साथै प्रहरीको प्रहारबाट घाइते अन्य करिब २० जनाको विभिन्न निजि क्लिनिकमा उपचार भईरहेको छ ।
शुक्रवार बिहान ६ देखि ९ बजेसम्म प्रसासनद्वारा कर्फ्यु खुकुलो पार्दा केहि व्यक्तीहरुबाट शसस्त्रका असई थमन वि.क. माथी हमला र पछि महोत्तरीको सोनुखडा स्थित खेतमा उनको लास भेटिएकोे थियो । उनलाई अस्पताल लग्दै गरेको एम्बुलेन्सलाई जलाईएको छ भने उनीसंगै रहेका एम्बुलेन्सका ड्राइभर,प्रहरी समेत सम्पर्क विहिन रहेको बुझिएको छ । शनिवार विहान सोही ठाउमा एकजनाको अरु शव भएको खवर आएपनि सो को पुष्टि भने हुन सकेको छैन । वि.क.को मृत्यु पश्चात नै जलेश्वरमा प्रहरीको गोलीलागी २ जनाको मृत्यु र दर्जनौ घाईते हुनुले जलेश्वर पुर्णरुपमा प्रतिशोधको भुमरीमा फसेको देखिएको छ ।

 

Be the first to comment on "जलेश्वर प्रतिशोधको आगोमा जल्दै अहिले सम्म ७ को मृत्यु"

Leave a comment

Your email address will not be published.

*